黃佩霞將瑜伽運動化作事業，搞得有聲有色，農曆新年夥拍將出任導師的鍾麗淇示範一連串簡單的瑜伽動作，包括寓意身體健康的「金雞獨立」。忙於籌備新店的黃佩霞笑言今年可以抽空結婚，新年願望也順理成章是希望今年嫁得出。
黃佩霞成立的PureYoga不斷擴展，搞得有聲有色，鍾麗淇（Margaret）更即將加入任職導師，早前二人示範一系列簡單的瑜伽動作，呼籲大家新年也應多做運動，保持身體健康，當中包括單腳扮「金雞獨立」及拗腰等。
黃佩霞新年會與女兒Camelot、未婚夫及其兒子一起去泰國度假，返港後忙於籌備下月開張的新店，工作特別忙碌，她說：「以前剛成立公司時得七、八個人，𠵱家公司成二百人，我除咗繼續做導師之外，管理方面嘅工作亦多咗好多，加上自己工作一向都要全力以赴。」
問到有否教囡囡一些農曆新年習俗時，黃佩霞笑說：「好似年初一叫佢唔好喊苦喊忽，因為係我媽咪教落，我都會同佢着中國衫去𢭃利是，我已經幫佢開咗一個教育基金戶口儲錢。」問到其新年願望，她笑言希望今年嫁得出，她說：「因為實在太忙，好難安排時間結婚，加上我老公屋企人係教書，所以都想喺今年暑期或聖誕做到。」
鍾麗淇則透露下月會加入PureYoga，與黃佩霞做同事，她說：「兩年前開始學瑜伽，之後好有興趣，舊年十二月考導師牌照，希望呢個係我事業上嘅另一發展。有時做幕前畀咗好多心機都未必一定得，希望做瑜伽導師係一個好嘅改變。」
採訪：RitaLeung
攝影：ChenWaiOn
場地：PureYoga（金朝陽廣場）
