無綫劇集《皆大歡喜》一眾演員新年期間都會到外地登台搵真銀，其中薛家燕（好姨）便會與阮兆祥、謝天華及梅小惠等到美國登台，好姨更坦言《皆》劇為她帶來不少賺外快的機會。
好姨自言眾多年花中，絕對不會買桃花，她說：「我阿爸一直都同我講，我哋姓薛嘅係唔可以買桃花嘅，不過我都唔知當中嘅原因係乜嘢呀！」好姨又透露新年後會主持一個全新電台節目，該節目更會在廣東省播放，她說：「我可以主持呢個節目真係好開心呀，因為到時有好多人可以收聽，不過我都要開始約國語老師練番好啲普通話。」
此外，有份演出《皆》劇的馬浚偉會與一班朋友坐郵輪歡度佳節，他說：「我咁大個仔都未坐過郵輪，加上好多年新年我都喺工作中度過，所以我決定今年要唞一唞出去玩吓。」
採訪、攝影：李珮洳