何韻詩原來寫得一手好字，日前她大顯身手，將大碟名《豔光四射》改寫成「艷雞四隻」，寓意雞年於四個頒獎禮能獲好成績。
何韻詩早前推出的《豔光四射》大碟叫好又叫座，但在四個頒獎禮上的成績卻未如理想，不過她未覺灰心，只是上年較遲發力所致，所以她在雞年會全力衝刺。
阿詩為了令全公司同事都明白她的決心，日前在公司寫大字，更將《豔光四射》寫成「艷雞四隻」，寓意雞年在四個頒獎禮上能夠有好成績。
阿詩曾到外國留學，所以她的中文程度不算標青，但一手書法卻不失禮，她說：「今年係雞年嘛，我梗係要應吓節啦，又可以搞吓笑，而且到時喺四個頒獎禮上我都會着到好似豔雞咁靚，不過公司啲同事都估唔到我可以寫中文字咁靚，佢哋重叫我寫多幾張用嚟布置公司㖭。我諗將來冇嘢做，都可以寫大字維持生計。」
農曆新年阿詩會留在家中休息，亦會到親戚處拜年，她說：「因為上年師傅（梅艷芳）走咗，所以唔方便拜年，今年當然會陪父母去拜年啦，或者會留喺屋企玩魚蝦蟹囉。不過我相信今年最大封利是都係老闆林建岳嗰封，起碼都成五位數字，但自己第日就要努力工作十倍回報番佢對我嘅厚愛嘞！」
採訪：駱華齡
攝影：何國豪
化妝：KrisWong
髮型：[email protected]
