患上精神分裂症的阿兒，近月家中的洗衣機及雪櫃先後損壞，惟家貧的她，無力購置更換，經本報呼籲後，日前她獲善長送贈全新洗衣機及雪櫃，應付生活需要。
「呢個雪櫃夠大同夠凍，我可以一次過買多幾日餸菜擺入去；屋企有番部洗衣機，亦方便好多，可以將啲被單同大件嘅衫褲放入去洗，唔使成日自己洗衫咁辛苦。」
「我冇諗過咁快就有善長捐電器嚟，好開心。」四十二歲的阿兒喜孜孜地說。
阿兒與五十一歲丈夫永叔，原本均任職保安員，夫婦沒有兒女，兩口子生活尚算安穩。數年前，阿兒患上精神分裂症，須長期覆診及服藥，控制病情，無法工作，其後永叔亦不幸失業，兩人現靠領取綜援金維生。
「我衷心多謝善長仁翁幫助，祝大家喺新一年龍馬精神；希望過年之後，經濟環境好轉，我老公快啲搵到份工，我哋就可以自力更生。」阿兒期盼地表示。
捐款編號：C1591
暖流熱線
電話：29908688
傳真：23702192
電郵：
網址：