首次入廟　笑料百出
欒基兒拜車公轉走是非

昨日車公誕，名模樂基兒日前已到沙田車公廟上香，祈望轉走年底的是非。首次入廟拜神的樂基兒，不諳轉風車，又拗斷塔香，笑料十足。

樂基兒日前到沙田車公廟拜神、買風車，祈求新一年繼續好運，又希望是非遠離，轉走所有閒言，她說：「我屬monkey，舊年犯太歲，人哋話應該唔好運，不過我就覺得幾好，好順利，但就快change新一年嘅時候，反而開始有啲badluck，好多唔識嘅，人哋話係smallpeople（小人）講好多都完全唔啱嘅嘢，我想留番啲好運，轉走晒唔好嘅。」

迷信變每事問
首次入廟拜神的樂基兒，出現不少蝦碌鏡頭。不諳中文的她原來很迷信，買小吊飾、玉石時不停問：「呢個掂唔掂得㗎？呢個寫啲乜嘢喺上面？」記者逐一解說後，她才敢拎上手拍照。
樂基兒去年在全亞洲拍了九個廣告，由DTC鑽石、日本即食湯到美容產品等，難怪她聽到「步步高陞」時即說：「冇得高囉，model係咁上下啦，舊年我都賺到啲錢，不過money多唔係最緊要，最希望個人開開心心。」

拗斷香燭爆笑
其後求籤時，樂基兒又說：「我唔可以俾佢哋跌出嚟，因為我唔想知future嘅事。」而點塔香時樂基兒又因太大力，結果拗斷香燭，全程笑料不斷。
此外，鬼妹仔性格的樂基兒舞獅時又將獅頭笠上頂，中途又有香燭檔檔主要求她簽名，更與小朋友合照。事後樂基兒說：「好好玩，係好重要嘅experience！」
採訪：DebbieLum
攝影：IpKwanHoi
髮型：PaulHuiofIlColpoTripleEdge
化妝：NaviLamofIlColpoTripleEdge
服裝：夏姿