古巨基農曆新年忙於綵排下月舉行的個唱兼健身，好友森美和小儀日前齊往基仔大埔康樂園的寓所拜年，實行反轉他的「古巨屋」。
古巨基好友森美和小儀日前舞着醒獅前往他的大埔康樂園寓所拜年，因為基仔家人都不在港，所以他家中沒有太多賀年布置，基仔說：「我只係貼咗個福字，雪櫃有啲蘿蔔糕同年糕，有啲雞公仔應節，重有『五代同堂』囉！」
基仔隨即親自下廚煎蘿蔔糕及年糕招呼森美和小儀，不過甚少下廚的他竟然將蘿蔔糕如切蛋糕般切開，還煎得爛碎，幸味道尚算不俗，基仔為了個唱而節食，所以他吃蘿蔔糕前要用廁紙吸油後才敢進食。
基仔十分喜愛打遊戲機，故他家中設有一間遊戲機房，旁邊放滿他入行後所獲得的獎座，雖然公司下令基仔開騷前不准再打遊戲機，但基仔亦大方地讓森美和小儀盡情玩他心愛的足球遊戲，自己則在旁觀看，在旁指點小儀打機，森美說：「其實我哋係為電台節目《架勢堂》嚟『古巨屋』拜年參觀吓，都算係做嘢呀，估唔到有得睇、有得食又有得玩，一次過滿足我三個願望，今年都算行運。」
基仔與森美和小儀三個大細路，玩無可玩，竟然在後花園舞獅，玩到不亦樂乎，基仔說：「呢段時間可謂演唱會大過天，所以今個農曆年我唔可以大吃大喝，啲賀年食品只可遠觀，不可放肆咁食，我教練話我只可以食一、兩啖應吓節，最主要係啲賀年食品好多油，所以唔食得，我會自律嘅。」
此外，古巨基前晚在添馬艦演出《2005國泰航空新春國際匯演之夜》，基仔表示因封路關係，他乘坐的保母車找不到會場入口，附近一位警察亦幫他找了很久，眼見開騷在即，基仔惟有請該警察護送他步入會場，基仔說：「我要好多謝嗰位警察，證明我新一年出路遇貴人，一切順利。」
採訪：蔡如玉、王崇穎
攝影：仇志德
