民政事務局局長何志平識拉小提琴係人都知，但原來佢學小提琴過程係非常坎坷。最近聖博德學校嘅校園小記者訪問佢，知道佢第一次睇管弦樂團表演就對小提琴一見鍾情，當佢同父母講要學，就因為家貧無錢交學費而俾父母反對。佢並無放棄，喺苦苦哀求下終獲答允，佢又向學校借琴嚟練習。當時十二歲嘅何局長手太細，成為障礙，好唔容易先搵到一個比正常小提琴細四分一嘅嚟練習。何局長音樂生涯最深刻嘅事，要算處子演出，雖然只係同學間互相切磋嘅小型音樂會，佢彈咗一半就緊張到唔記得咗，重新彈一次都喺同一地方停咗，最後惟有起身向觀眾鞠躬，然後坐番低。何局長就提醒同學仔，做人處事不要怕辛苦、氣餒，只要堅持落去，就有唔同嘅體會。
傳真︰2623-9278
電郵︰