赤口避忌：<br>赤口財位位正西入元朗潮玩豪食

赤口避忌：
赤口財位位正西入元朗潮玩豪食

今日赤口，民間傳統一貫認為容易嗌交兼多口舌之爭，所以大家都避拜年，改為拜車公咁話，不過除咗拜神咁例牌嘅節目外，不妨到今日最佳吉位去沾沾好運，據李丞責師傅表示，今日財位位正西面，一於就踩入元朗探探食神韜韜，等佢帶大家潮玩潮食！

記者：吳小明　攝影：林栢鈞
模特兒：Christy&Nic@Jamcast
化妝：ClaudyYuen@AtomicAttack
髮型：Jacky@AtomicAttack
鳴謝：李丞責師傅

遊樂篇
屏山文物徑睇圍村

入到元朗第一站，地靈人傑，當然先去吸收吓文化氣息。屏山文物徑是香港歷史最悠久的地區之一，新界五大族之一的鄧氏其中一支早於十二世紀時經已定居於此。文物徑蜿蜒於坑頭村、坑尾村和上墇圍，長約一公里，將多座典型中國傳統建築接連起來，信步便可領略過往新界的傳統生活面貌。

1>楊侯古廟為元朗區六間供奉侯王的廟宇之一，相傳已有數百年歷史。
2>覲廷書室專為村中子弟準備科舉考試而建。
3>書室內收藏百年前的書枱及課本等，仍然保存得甚佳。
4>這口古井在二百多年前上墇圍立村前已存在，曾一度是坑頭及上墇圍兩村食水的主要來源。
5>上墇圍為文物徑沿線唯一的圍村，已有二百多年歷史，布局整齊別致。
6>聚星樓是香港現存唯一的古塔，有超過六百多年的歷史，早於2001年被列作法定古迹。

開放時間：部份古迹如覲廷書室及鄧氏宗祠等初一至初三內部不開放，但仍可遊覽建築物外觀。

飲食篇
搵韜韜食正宗圍村菜

想食到真正圍村菜風味，梗係幫襯韜韜間出晒名嘅大榮華酒樓，等韜韜為大家準備三道圍村人必食的新年菜式啦。

■香煎臘味芋餅$55
芋頭冬天當造，特別鬆化好吃，配以臘味切粒，圍村人過年必食。

■荷芹炒油鴨腸肉青$55
油鴨腸是整油鴨之後棄置的內臟，這些下欄菜式在別家吃不到的，油鴨腸很爽口，亦不覺肥膩。

■乳香炸爽蠔$55
爽蠔做法跟一般炸生蠔不同，先經麥芽糖、頭抽等醃過夜，再經風乾，十分入味且咬落仍有肉汁，香脆Juicy兼備。

■最後奉上香芋臘味菜片炒飯（$35）及馳名馬拉糕（$56）作甜品，就完成一頓完美的晚宴。

地址：大榮華酒樓（24769888）
元朗安寧路2-6號
營業時間：年中無休，晚市由6pm開始

衣着宜忌篇

據李丞責師傅表示，想赤口免口角衣着可以遵從以下原則：以灰色打扮為主，因為灰色有令人頭腦冷靜的作用，飾物可戴黑瑪瑙，因為黑瑪瑙亦有擋煞及化解是非的功用。

售賣點：
izzue（25063669）銅鑼灣時代廣場601號舖（初二啟市）
MariaBeans（25730098）銅鑼灣信和廣場地下G9號舖（初三啟市）
晶蓮坊（25041118）銅鑼灣恩平道17號C地下（初四啟市）

onChristy：炭灰色燈芯絨外套$595、粉紅Tee$255、灰色三個骨褲$355、灰冷頸巾$275
onNic：炭灰印字毛衣$355、淺灰棉質Biker褸$435、炭灰軍褲$395（allizzue）

onChristy：黑瑪瑙夾黑髮晶手鏈$680（MariaBeans）
onNic：黑瑪瑙手鏈$124（晶蓮坊）

家居擺設篇

李師傅說，今年的代表是非的三碧星位於東南位，故此任何利器或反光的東西如剪刀、鉸剪等都唔好放在屋內東南位，連有動態意味的物件如鐘表亦要避免，相反可以放綠色植物化解戾氣。

捐血可擋災

紅十字部份捐血站將會於年初三「開工」，今年犯有凶星如「飛刃」、「血刃」、「死符」及「五鬼」等的生肖（雞、牛、虎等），容易飛來橫禍，可以去捐血、洗牙及驗血等化解戾氣。即日至14日情人節捐血，更可獲贈甜心版分享愛心手表一對。

捐血站地址
銅鑼灣怡和街42至44號華人銀行東區大廈1樓（28342084）
旺角西洋菜街南2號A銀城廣場三樓（27705930）
荃灣大河道8號（24142378）
沙田正街1號A香港紅十字會白普理沙田中心一樓A（26030100）