許志安過去數個農曆新年都在工作中度過，甚至要出埠，令他失去了很多與親戚見面拜年的機會，他笑言試過連續三年到外地登台，第四年新年再見到姨甥仔時，竟然認不出他。
安仔說：「因為我爸爸係屋企親戚中嘅長輩，所以個個夾定每年喺我哋屋企團拜，但係試過連續幾年都飛咗去做嘢，之後有年喺屋企見到個男仔，最初以為啲親戚帶咗朋友嚟，直至佢叫我舅父仔，我先知佢係邊個。佢真係高咗又大咗好多，所以先唔認得。」
本來安仔今年亦要到美加登台，但他為了演唱會而推辭了，因而損失了六位數字酬勞。
安仔說：「其實好早前已經傾咗話走幾場騷，但點知同一時間要搞演唱會，喺兩者之間我揀咗演唱會。雖然冇咗六位數字酬勞，但係都唔可惜，因為我要為演唱會爭取時間練習。」
場地提供：馬哥孛羅香港酒店