【本報訊】被視為下屆特首熱門人選的政務司司長曾蔭權前日聲稱，到○七年司長任期屆滿時要「告老歸田」後，另一熱門特首人選財政司司長唐英年昨日則笑說，自己有條件歸田，「噚日曾司長話會告老歸田，呢度咁多人都冇乜人會有田，反而我有一塊田，我塊田喺上水。」問及會否像曾蔭權一樣「歸田」，他則表示：「○七年係好長遠嘅事，𠵱家要做好本份先。」
唐英年昨會見記者時稱，他在上水的田是一個試驗農場，目前種菇。當記者追問是甚麼菇，唐英年才透露，所種的菇其實是靈芝，目前市面已有出售他的靈芝，品牌套用家族生意的名稱，叫做「半島」靈芝。記者提議不如把上水的田借給曾蔭權告老，唐英年聽到只是在笑，然後繼續解釋種植靈芝。
拜年總少不得說祝賀語句，有記者恭祝唐英年：「步步高陞！（暗指做特首）」唐英年聽後立刻說：「呢句話唔敢受啦！」唐太郭妤淺則向記者說：「梗係唔想（丈夫做特首）啦！𠵱家佢已經咁辛苦。」她更反問在場女記者：「你會唔會想你老公做特首？」
唐英年表示，做生意同做官很不一樣，政府「盤數」比商界更難支配。有記者問是否不宜由商人治港？唐英年斬釘截鐵回答：「唔係」，因為無論是商人還是其他人，當他坐上管治香港的位置，就不會單從商界角度考慮。他說：「屁股決定頭腦，坐呢個位一定要咁做……乜嘢人坐呢個位都要咁做，都會按佢嘅職位決定。」
外界預料本年財政狀況將會大大改善，有記者笑指，這已是唐的政績，是競逐特首的條件。唐英年則說：「呢個唔係個人嘅功勞，而係大家嘅努力，同埋中央政府嘅大力支持。」