無綫六點半新聞陪伴唔少香港人成長，江湖地位十足，近年捧紅咗多位靚女主播，更成為全城佳話，但令人最津津樂道嘅始終係人稱「阿盲」嘅伍晃榮報道體育嘅獨特風格，大家唔好以為呢短短三分鐘好易做，原來阿盲每日要花好多個鐘頭預備。
最近又有傳聞話阿盲已經辭咗職，大家以為冇機會再聽到佢讀體育新聞嘞，點知隔咗幾日，佢又出現番，噚日重現場旁述香港對巴西嘅賽事㖭。
阿盲入行四十年，今次突然傳佢劈炮，唔係空穴來風。聽講係同巴西隊來港賣波飛單新聞有關，當時阿盲同新聞部阿頭袁志偉兩人鬧得好不愉快，之後就傳出阿盲遞信唔撈嘅消息，不過，阿盲班同事就勸佢老人家冷靜啲，放兩日假再算。
據阿盲自己講，佢同袁志偉吵架係家常便飯，之後就冇事，今次睇嚟亦唔例外。
（圖）伍晃榮（中）噚日聯同伍家謙（左）、鄭兆聰一齊評述港隊對巴西嘅比賽。無綫電視圖片
傳真︰2623-9278
電郵︰