香港同澳門特首年三十晚都有發表新春獻詞，真係高下立見。首先老何比老董長氣得多，全文長三百幾字，阿董只係用咗百幾字就講晒。
唔知點解，八方硬係覺得何厚鏵有兩句說話，好似別有用意，佢話新嘅一年有新嘅啟示，「提升自我，勝於坐享其成；腳踏實地，勝於守株待兔。」澳門近期瓣瓣走勢勇猛，點算守株待兔？重要提升自我㖭，容乜易好快就趕過香港？
其實老董係咪更啱聽呢兩句說話呢？被人冠以「董伸手」嘅董特首，新嘅一年係咪唔應該再向中央攤大手板，唔好再「坐享其成」？被國家主席胡錦濤叫「查找不足」，係咪更要「提升自我」？不過，老董已經算相當「腳踏實地」，冇再提出啲乜港、物港、大隻講了。
傳真︰2623-9278
電郵︰