香港特別行政區由中央一隻會生金蛋嘅鵝，變成北京包袱，你話邊個責任最大？除咗老董唔使講之外，特區嘅太上皇中聯辦以及港澳辦都責無旁貸，當中又以中聯辦喺最前線，冇得走雞。
中央對港澳兩個特區嘅精神應該點解讀？老共自己應該最心知肚明，可惜佢哋永遠係「寧左勿右」，香港出咗問題，五十萬人上街就賴晒係有人搞事，點解唔係佢哋不將下情上達好呢？
當年許家屯當新華社香港分社社長，已經話九七後佢哋應該執包袱拉閘收工，但係結果冇咁做，重搞咗個太上皇出嚟。𠵱家鄒哲開正式離開中聯辦，算係一個左傾時代嘅終結，聽講高祀仁同王鳳超都好快夠鐘，雞年會一個個退。香港係塊寶地，可惜負責港澳嘅官員都未夠靈活，未夠班數，當年如果朱鎔基真係嚟做咗大新華社長，情況可能完全唔同啦。
傳真︰2623-9278
電郵︰