影煙花至強配備

𠵱家數碼相機咁普及，好多人去睇煙花時都想拍照留念，今日特別搵嚟DCPower影相有10年經驗的袁錦俊先生，教大家點樣用普通的「儍瓜級」DC，都一樣可以影出煙花靚相。

防手震必備腳架

其實現時一般「儍瓜級」DC，普遍都有30mm左右的焦距，如果在海岸兩邊用以拍攝遠距離的煙花，已經相當足夠火力。不過好多人忘記了影煙花最基本功，就是腳架也！為了長「快門」拍多幾個煙花，或以細「光圈」令煙花線條更細緻，一般都需較長拍攝時間，拿在手上拍攝幾近不可能，建議要帶備腳架。以輕便DC為例，只需百餘元的輕便腳架，已有相當穩定效果；不過遲去者，建議要用上人頭高度的腳架，咁就包唔會俾前面的人潮阻礙拍攝。

■一般輕便式腳架，大概100餘元有交易。

黑卡防曝光過度

黑卡影煙花，不是甚麼新鮮事，菲林機年代已經有人用，其作用是在一般「儍瓜級」DC的夜景模式下，在煙花及煙花的停緩時間中，蓋着鏡頭（小心不可拍上鏡頭）！作用是黑位更實，而且亦冇咁易因過度曝光，令影像不會有Over的情況。

■黑卡最好不要用「光面」，以皺面為佳。

■影長快門，最忌是「郁到」部機，如果情況許可，最好帶埋Remote。

儍瓜DC長快門精選

一般「儍瓜級」DC都會有2-4秒的長快門時間，不過Canon一些新機可達8-15秒的長快門時間。提一提大家，煙花滙演前，亦切忌胡亂拍照，因為CCD會發熱及出現更多雜訊而影響質素，建議拍攝前先試影，覺得Setting可以後，就要關機，盡量令DC降溫，等待拍照的時機來臨。

■強制長快門會出現過度曝光，最好夾「黑卡」用。