發財秘笈：<br>雞年發財秘笈首飾屬火有發圍！

發財秘笈：
雞年發財秘笈首飾屬火有發圍！

今日大年初二，恭祝各位身體健康、步步高陞，但相信對於香港人來說，都係恭喜發財最為啱聽。有運發財自然係好事，但如何加強財運當中大有學問，今日新正頭就同各位分享點樣可以增強財運，特別邀請了著名玄學家麥玲玲師傅，從玄學、風水角度出發來增強財運，等大家於雞年行運到狗年！

記者：李崗華
攝影：陳智良、伍慶泉
模特兒：豪、Yonnie@D8

■賣首飾咁好生意，我又要入行！

■唔只首飾，電子產品零售一樣有得做。

雞年屬火行業當旺

新一年有想過自立門戶做生意？抑或想轉行？咁就要留意以下麥師傅推介的雞年當旺行業，大家可以從中作參考：「今年八白財星飛臨離宮，離宮屬火，所以今年屬火的行業特別與旺，當中包括電子、電訊、珠寶、首飾，燈飾及石油行業。其次係一白桃花星飛臨的坎宮，坎宮屬水所以屬水的行業走勢亦佳，包括旅遊、酒店運輸、金融股票、飲食及運動等。」

■麥師傅預計雞年電訊、電子產品店舖最有發展。

■零售業於自由行帶動下極之興旺，店舖內人頭湧湧的情況會於05年繼續。

當旺顏色：「紅」過雞年！

新年着衫首選當然係紅色，但原來據麥師傅講由於今年大利南北方，所以今個雞年紅色會大為當旺，更不單止着紅衫會增強運勢，而且售賣紅色的產品更會特別好賣。除紅色外，淺藍色亦會有同樣的效果，但就要留意，由於雞年不利東方，所以就盡量避免着綠色衣物，而駕駛綠色汽車的車主亦要加倍留意，因為會較易發生意外。

■紅色及淺藍色會於今個雞年特別當旺，所以於雞年內不妨多着，以增加運勢。

■綠色汽車的車主於雞年駕駛時要加倍留意路面情況，以免發生意外。

■不少品牌都有推出紅色及淺藍色衣物，當中有不少更為潮牌，所以時裝友買衫增強運勢絕不成問題。例如圖中的A.P.C及Fingercroxx。

正南催財吉位！

玄學中的地運及飛星力量，就係關於今年大利哪一個方向的重要元素，地運會每二十年轉一次，由上年（由2004年至2024年）開始經已踏入八運，當中的八白星更成為九星中力量最強的吉星，所以於今年如果想催財，就要留意八白星所在位置──正南方向。而正南屬火及土，所以紅、黃二色的物件會有催財之用，屬火的物件例如有揮春、大型家具、窗簾及地氈等，而屬土的物件有白色陶瓷等，不妨多放於家中正南方位。