歌神許冠傑（Sam）新春個唱前晚開鑼，除有雜技團表演外，阿Sam亦與嘉賓Kary同坐飛天白馬繞場，而扮財神的許冠英和阿Sam次子懷谷則派利是封「屈錢」，為南亞災民籌款。
許冠傑一連六場「05歌神賀歲嘉年華」演唱會前晚在紅館開鑼，阿Sam分別以八個造型，包括西部牛仔look、紅白藍環保裝和貓王look等亮相，嘉賓包括他的兩位兒子懷恩和懷谷、胞兄許冠英、古巨基、官恩娜、Cookies、女子十二樂坊、內地雜技團和滑冰隊等。
個唱開場不久，許冠英與懷谷扮財神大唱《財神到》，又向觀眾派發利是封，並着觀眾將錢放進利是封內，款項將撥捐紅十字會作為南亞賑災用途，阿Sam則負責拿着紅白藍袋收回利是，他說：「平時我都好憎俾人屈錢，但今晚唔同，做善事，捐五毫子都唔緊要。」阿Sam之後又大派裝有六合彩彩票的利是。
其後阿Sam與扮紅番妹的Kary，齊坐凌空吊起的飛天白馬高歌，以九分鐘時間繞場一周；官恩娜則扮惹火魔鬼與阿Sam合唱，阿Sam即咀嘴吻謝她。阿Sam又坐在豹紋雪車上唱歌，由扮豹妹的滑冰女團員負責推車，當女空中飛人在半空做出倒吊動作時，竟露出大半個隱型bra，十分香豔。
古巨基前晚在台上與阿Sam互笠高帽，阿Sam大讚他說：「佢眼又大、又cute、唱歌又叻，我同佢好有緣份，佢係我契仔嚟㗎！」阿Sam在個唱近尾聲時說：「香港係福地，雖然有過沙士同禽流感，但比起南亞，香港係得天獨厚，人喺大宇宙入面好渺小，好似塵埃咁，大家要珍惜生命，開心做人。」
阿Sam唱出新歌《風裡微塵》後又說：「雖然大家喺逆境中可能衰到貼地，會俾人恰、好多痛苦，遇到呢啲事應該保持微笑，好快柳暗花明又一村。」前晚個唱未有超時，由七時四十分開騷至十一時三十分正式完場。
採訪：馮美茵 攝影：仇志德
