「聞雞起舞、學業進步」，呢兩句係民主黨成員張文光畀學生嘅雞年祝願。張文光雞年冇外出，皆因佢個寶貝女兒放寒假，大年初一由英國飛返香港，於是呢位廿四孝老竇就去排隊買定賀歲波飛，等個女一落機，就同埋老婆大人入場睇波。前年八月皇馬嚟香港打波，張文光都有去排隊，但係排最後，梗係撲唔到飛啦，今次就大把位，唔使四圍撲。
八方問張文光個女讀成點？如記憶冇錯，佢個女當年選讀中文中學，𠵱家就準備升大學；張文光話，做老竇嘅時時都好滿意個女嘅表現，成績唔錯啦。
至於個黨，張文光就覺得新主席達仔嘅反應唔錯，算係快而準，八方都想白鴿黨生生性性，喺雞年做番套好戲畀香港人睇，對得住班選民。
傳真︰2623-9278
電郵︰