勞聯李鳳英最關注嘅都係打工仔嘅生計。英姐話，雞年最希望職業有保障，打工仔有飯碗、有糧出、有人工加，香港社會和諧。
八方噚晚搵英姐嘅時候，佢同家人正共敍天倫。英姐講笑話，佢都唔細個啦，年三十晚都唔會話特別要去邊度玩、邊度過。佢噚晚六點幾就同一班工友去咗維園行花市，感覺上個氣氛都幾好，但重未感受到啲市民好肯消費。雖然話經濟好轉，經濟增長有成七點五咁多，但普羅市民其實未係好感受到，打工仔重係覺得壓力好大！
英姐話，過年佢都會留喺香港，同啲工友、義工朋友聚吓，希望過年後嘅財政預算案，唐唐可以關注弱勢社群嘅訴求，特別係關注在職貧窮嘅問題啦！
傳真︰2623-9278
電郵︰