二十四歲雞女Rosemary今年犯太歲，佩戴龍形飾物有助趨吉避凶，早前她更到維園舞龍，彩龍長七十呎非常悅目，但舞完後Rosemary手軟肚餓，要拮魚蛋醫肚。
中法混血兒Rosemary今年突圍有望，入行十年終走上國際天橋，下月在巴黎時裝周行騷、為名車瑪沙拉蒂及法拉利進軍內地任形象大使，差不多每月都要在內地宣傳，手上還有多個纖體及護膚品廣告，雞年本應大豐收，可惜她肖雞今年犯太歲，不時有暗湧，故她希望佩戴龍形飾物或圖案有助改運。
而Rosemary得知龍有利自己後，早前與金龍團兄弟在維園一起舞動七十呎夜光彩龍，引來在場的外國遊客影相及大讚說：「Wonderful！」Rosemary更鬼馬地扮打電話，笑說：「我要call條龍先！」一向愛運動及跳舞的她，舞龍起來有紋有路，舉起龍頭及龍珠大擺甫士，不過事後她表示舉到手軟，要走去拮魚蛋充飢。
Rosemary還透露十二歲過雞年時，是在非常幸運和有信心的情況下平安度過，她說：「嗰年我都幾自由同好彩，重喺學校贏咗女子三項全能冠軍，成為小鐵人。」
今年Rosemary則希望身體健康、工作順利，問她可擔心犯太歲，她說：「其實我未過年，已經開始badluck，先唔見咗銀包，之後又俾人偷咗手提電話，我諗我要小心啲，不過最緊要順其自然同埋唔好成日諗住。」最後Rosemary謂母親Julie肖龍，應該對她工作有幫助。
採訪：DebbieLum
攝影：ChenWaiOn
服裝：Ranee_k
場地：Ranee_k（霎東街）
鳴謝：郭氏功夫金龍醒獅團
