梁詠琪（GiGi）昨日以一身翠綠春裝，現身紐約的MarcJacobs時裝騷，獲大會安排與《標殺令》女主角奧瑪花曼、黑人天后Beyonce與男友Jay-Z等齊齊坐在第一排，地位超然。 記者梁錦貞、葉君海紐約直擊
紐約時裝周2005秋冬正在美國舉行得如火如荼，GiGi亦特別由日本飛赴紐約，欣賞一連兩天MarcJacobs及副線MarcbyMarcJacobs的兩場時裝騷。GiGi於香港時間昨日（紐約時間前晚）穿上一身MarcJacobs春裝亮相會場，翠綠色粗呢絨外套配同色ruffledress，非常搶眼。
獲大會安排坐在第一行欣賞的GiGi，與荷李活女星、《標殺令》女主角奧瑪花曼（UmaThurman）、黑人天后Beyonce與其歌手男友Jay-Z及黑人女歌星Lil'Kim等平起平坐，備受尊重。
GiGi表示此行行程緊湊，她說：「我由日本飛嚟，一到埗就去Soho區睇MarcJacobs店舖，參觀吓，之後就即刻過嚟睇騷，聽日重會睇多一場副線MarcbyMarcJacobs先走。」問到GiGi行色匆匆又要適應時差會否很辛苦？她說：「都唔辛苦，好彩喺飛機度瞓到覺，咁要睇靚衫就算辛苦啲都值得啦！之後我就會返香港同屋企人過年，唞幾日再飛台灣拍廣告。」
GiGi早前獲頒「香港時尚之星」美譽，當時她身穿由MarcJacobs任設計師的LouisVuitton領獎，問她今次欣賞MarcJacobs時裝騷感受如何？GiGi說：「佢為LouisVuitton設計嘅衫就高貴啲，而自己嘅品牌就變化大啲，感覺好青春、Trendy，比較啱我風格。」而完騷後，GiGi更到後台與MarcJacobs握手及合照。