為紀念日本沖繩電視台琉球朝日放送開台十周年，日本女星上戶彩早前去到沖繩拍攝特備節目《沖繩色彩之詩》，彩妹喺節目入面着起沖繩傳統民族服裝，又首次嘗試潛水。此外，彩妹亦到醫院探望一位患病小fans，認真愛心爆棚。
去過沖繩多次嘅彩妹參觀咗建於十八世紀嘅識名園，彩妹亦特登換番一套沖繩傳統民族服裝，襯番當地古色古鄉嘅景色。原來彩妹嘅媽媽係沖繩人，所以彩妹經常食到阿媽親手炮製嘅沖繩料理，對沖繩有一份特別感情。另外，彩妹又第一次嘗試潛水，喺海入面見到各式各樣嘅珊瑚礁，令佢印象難忘。而今次去到沖繩，彩妹亦去醫院探望一位患咗惡性淋巴腺腫瘤嘅五歲小影迷紗里，令到紗里非常開心。
此外，由彩妹主演嘅新片《AZUMI2》將會喺下月十二號喺日本上映，該片嘅宣傳攻勢一浪接一浪，除咗會推出電影寫真集之外，佢哋亦搞搞新意思，同HelloKitty合作推出一系精品。