雞年新春，大狀黨中只有湯家驊出咗埠，佢年廿八已經同太太楊蕙蘭同乖仔一齊去咗印度泰姬陵玩，八方問佢身邊嘅人，佢老哥唔怕嗰邊亂？佢話梗係冇有怕啦。
湯大狀年初三就會返港，真係偷得浮生半生閒，有得唞就要唞，因為立法會一復會就冇時閒。湯大狀返港之後第一件事，就係要為將軍澳第一個，亦係唯一一個地區辦事處開幕而忙碌，佢嘅助理話，位於坑口地鐵站上蓋嘅海悅豪苑嘅「地辦」將於年十一開幕，嗰度屬私人屋苑，租金較貴，但係比之於新東其他地區，將軍澳始終係新區，人口集中，值得開發。
湯大狀人不在港，仍心懷香港，今年係雞年，所謂「雄雞一唱天下白」，佢希望港人喺民主同經濟方面都係豐足嘅一年。
傳真︰2623-9278
電郵︰