老董大年初一唔知去邊，要搵煲呔代佢做一日特首，之後，煲呔會外出，放個短假期到初七先啟市，至於唐唐同詩姐姐，新年就好似唔會離港喎。
八方問三司，新年有乜願望，煲呔話最想見到香港社會團結一致，和衷共濟，以理性、兼容嘅態度對待不同嘅意見，以香港整體嘅發展同利益為大前提，彼此尊重，穩步前進，共享繁榮。
煲呔求團結，唐唐求創富。佢祝港人喺雞年身壯力健，各行各業繁榮昌盛，打工一族都搵到合心意嘅工作，既可發揮所長，又可為社會創富。當然佢都想香港社會和諧穩定，大家齊心合力，建設香港。
詩姐姐就一於好少理，寫兩句應吓景就算──「一年好景隨春至，願與梅花俱自新」，佢一樣祝香港社會和諧，市民事事稱心。
傳真︰2623-9278
電郵︰