前任立法會議員飛天豬朱幼麟，猴年真係多災多難，選舉不成，大難不死，雖然唔再係「尊貴嘅議員」，幸好家有賢妻，逢凶化吉，睇怕飛天豬要警惕吓自己，做人要守吓規矩，因為唔係次次都咁好彩。
飛天豬都係唔捨得冇份玩，猴年年尾又再度活躍政壇，好似噚日佢向新聞界發出一份新聞稿，叫做「香港於廿一世紀在世界上的定位」，講述自己嘅理念，話香港應該係一個「機遇之城」，要保持國際都會、自由開放、政治中立等特點。
講到尾，佢無非都係想講一個意思，就係要同各方面保持良好關係，做到生意、悶聲發大財先最緊要。
傳真︰2623-9278
電郵︰