新春期間，唔少得糖果、糕點、煎炸油物等，相信大家都已品嘗過一些賀年食品，亦已感到有些飽滯。不要緊，飲果醋助消化。以下兩款新口味醋飲，包括梅子醋和玄米醋，絕對適合新春作為消滯的健康飲料。除了梅子和玄米醋飲外，重有蘋果蜂蜜、梨子味供選擇。其實飲用適量醋不但有助消化功效，重可以消除疲勞、抑制血壓上升，所以間中「呷吓醋」都不錯。
銷售點：RicePlus
地址：奧海城一期UG26號舖
意頭蔬菜：旺菜貨多價平
明日就是新正頭，重未買齊賀年食品，好好把握今天啦！唔想新春期間無餸菜開飯，最理想當然是買定一些襟擺的蔬菜作為存貨。呢種比較肥而短身的蔬菜叫旺菜，有長長旺旺之意思，另一種比較長身的則叫天津白菜，又叫紹菜，食味同旺菜差不多，不妨買幾棵旺菜或紹菜返去，點解？其一是夠襟擺，如同蓮藕，是壓年必備蔬菜。其二是貨源多，價錢經濟。配上海年糕炒，鮮甜味美，滾湯又得。
記者：陳冰麗