八方噚日收到一隻雞公仔，同埋一張寫住學業進步嘅小揮春，原來係教統局常秘羅范椒芬，送畀走教育新聞嘅行家，作為新年禮物。話說羅范大前日走咗去花墟公園嘅年宵市場睇「港大經濟年宵兵團」，呢個兵團其實係由學生營運嘅十八個年宵攤位，羅范齋睇唔幫襯當然唔得啦，所以用銀紙鼓勵吓佢哋。
據講，羅范見到啲雞公仔幾得意，又唔係咩貴重物品，故此一下子買咗十幾隻，份份報紙都送一隻，一嚟等擺檔嘅同學仔開心吓，二嚟又可𠱁吓記者，果真「一雞二鳥」。八方睇落隻公仔有啲似小雞，又有啲似鴨仔，睇嚟鴨仔同香港教育都係分不開。
（圖）羅范噚日送賀年小雞畀一眾走教育新聞嘅記者，睇落似雞又似鴨喎。
傳真︰2623-9278
電郵︰