郭晉安和宣萱前年主演的劇集《戇夫成龍》，收視和口碑均一時無兩，踏入雞年，阿旺和老婆仔將再續前緣拍攝《戇》劇續集。日前二人大啖賀年佳餚，又親製甜蜜蜜桂花湯圓，寓意家家戶戶在今日大年三十晚均能與家人團圓。
郭晉安和宣萱雞年再續前緣，合作拍攝劇集《戇夫成龍》時裝版，阿旺和老婆仔日前特別在銅鑼灣品嘗一席價值四千六百八十八元的賀年佳餚，又「夫妻」同心地炮製桂花湯圓兼互餵一番，他們均表示希望家家戶戶都能在年三十晚與家人團圓。
阿旺和老婆仔大啖團年菜式，包括大排翅和鮮味魚蝦等，認真有食神！阿旺於今個農曆年奉旨大吃特吃，因為他要增肥二十磅拍攝下月尾開拍的《戇》劇續集，他笑說：「過年我會去新加坡玩幾日，係我增肥嘅一個旅程，不過肥二十磅已經係我極限，再肥就超標，會爆血管㗎。」
阿旺今日會舉家吃團年飯，但女友歐倩怡則因要與自己的家人吃飯，故未能一起團年，不過安仔稱家人已視女友為新抱仔，他說：「都會係嘅，食完飯就會約佢一齊行吓街。」問安仔擔不擔心被家人催婚？他笑說：「我屋企九兄弟姊妹，得我一個未結婚，所以年年都係咁，麻木晒啦，我盡力啦，但今年盲年喎。」
宣萱則表示父母定居北京多年，今年難得來港度歲，故此她會做乖乖女陪雙親過節。問宣萱其牙醫男友會否跟她吃團年飯見家長？她說：「見咗啦，佢對節日唔係太重視，嗰日佢喺香港嘅話都會一齊。」問宣萱今年會否拉埋天窗？她說：「未有耐，暫時未有計劃。」而宣萱和阿旺明日大年初一，將齊返將軍澳電視廣播城向六叔邵逸夫拜年。
採訪：朱倬誼
攝影：林德雄
部份服裝提供：A/X
場地：小南國狀元樓（銅鑼灣）
