澳門噚日又有兩間新賭場開幕，又多七十五張賭枱，唔講唔知，澳門現時已經有十六個賭場，賭枱一千二百多張，預期兩年後澳博、永利同金沙三個有牌嘅旗艦娛樂場落成後，賭枱會增至三千張，真係最怕你唔嚟。
噚日開業嘅新賭場分別係金沙娛樂場內嘅明珠坊新賭場，另一間係澳博名下嘅財神娛樂場。賭王何鴻燊噚日主持財神娛樂場開業儀式，話澳門賭場係相當多，但未至於多過米舖。佢認為賭場開得多，可帶旺整個消費網絡，包括飲食、零售、地產等都受惠。
澳門保安司司長張國華就話，為咗對付賭場增加而衍生嘅罪案，司警局嘅博彩罪案調查處將升格為廳級，並且會增加兩百多名警力。果然有利就業呢！
（圖）賭王何鴻燊（右）帶同四太（坐下者）一齊主持新賭場開幕。
傳真︰2623-9278
電郵︰