台北市市長馬英九上個月不獲港府簽證嚟唔到參加港大研討會，八方日前講過港大新聞及傳播研究中心總監陳婉瑩（圖）以及客座教授龍應台已經第一時間向小馬哥道歉，重即刻發出新邀請，「邀完又邀」，直至佢嚟到為止。
陳婉瑩話，小馬哥係事件中最無辜嘅，之後佢好有禮貌親自寫咗封信多謝邀請，封信行文甚佳，值得一讀。
至於馬市長四月是否成行𠵱家講唔到，不存在找下台階嘅問題，皆因龍應台有親身感受，知道台灣一開議會就好忙，身不由己，最後可能係利用周末時間來港大一行。
馬市長又真係好忙，有消息話佢春節後會宣布問鼎國民黨主席一職，目前各方都密切留意佢嘅動態。
小馬哥嚟唔到，陳、龍兩人當然好唔開心，陳婉瑩話佢手上有一封入境事務處畀佢嘅回信，話收到馬英九嘅入境申請，佢真係唔明白李少光當日講乜？「佢嘅說話簡直係侮辱緊我哋」。
李局長搞到兩位學者咁㷫，新春之後係咪要擺平一吓呢？
傳真︰2623-9278
電郵︰