韓國古裝劇集《大長今》最近在無綫播出，收視節節上升，令城中掀起一片「長今」熱。事實上《大長今》除了故事吸引外，劇中御膳亦令人食指大動，適逢今日是一家食團年飯的日子，本報特請來有一半韓國血統的名模AnaR.，穿上韓國傳統服飾，介紹多款韓國料理，與讀者一同團年。
由李英愛主演、講述韓國歷史上首位女御醫徐長今奮鬥故事的韓劇《大長今》，在無綫播映以來收視節節上升，上周平均收視比前周勁升五點，達三十點，有一百九十七萬觀眾捧場，而最高收視更有三十二點，即有二百一十萬觀眾收看。《大長今》播映短短兩星期已成為無綫周一至周五收視之冠，氣勢銳不可當。
事實上，《大長今》除了故事內容引人入勝外，就連劇中由長今等宮女炮製給皇帝享用的御膳亦令觀眾食指大動，適逢今日是年三十晚一家人高高興興食團年飯的日子，不少長今迷選擇食韓國料理團年，本報遂趁「長今」熱潮，介紹多款韓國料理和御膳供讀者參考，並請來有一半韓國血統的名模AnaR.，穿上華麗韓服，一邊品賞韓國食品，一邊講述韓國新年習俗的特色。
名模AnaR.的母親是韓國人，而父親則是美國人，她指韓國新年與中國新年一樣，同是以農曆年計算，習俗方面兩國亦大同小異，AnaR.昨日說：「聽媽咪講，韓國人其實係中國人移民過去，所以韓國民俗帶有許多中國歷史色彩，但食團年飯或者喺新年餸菜方面，韓國人都係食番平時食嘅料理，好似今日介紹嘅海鮮葱餅、烤牛肋骨、肋骨煲、炒粉絲同辣牛腸八爪魚煲咁，或者係成家人喺屋企後花園燒烤，不過，每家人過年嘅時候，都會親手造一啲糖果嚟招呼客人。」
那麼韓國新年有沒有派利是的習俗？AnaR.笑說：「冇㗎，係結婚送賀禮時先至會畀錢㗎咋，但韓國人新年前都會大掃除，過年時又會拜祖先，而我每年都會返韓國探望吓啲親友。」
近日《大長今》掀起熱潮，AnaR.與母親原來亦有追看，對於劇中李英愛飾演的徐長今一角，AnaR.讚不絕口，她說：「我都識少少韓文，我覺得長今呢個歷史人物好堅強，喺一個重男輕女嘅國家裏面，佢憑住智慧同毅力創出一番成績，遇到挫折亦唔會輕易放棄，簡直係所有女性嘅榜樣。另外，韓國食療其實對人亦好有影響，例如泡菜咁，對人嘅腸胃真係好好㗎。」
提到這股「長今熱」，AnaR.認為不但是電視及電影，就連韓國模特兒及韓國歌曲亦在亞洲形成一股新勢力，AnaR.說：「呢股韓國新勢力影響住成個亞洲，好似有次我去內地工作，都聽到當地人聽韓文歌，我身為半個韓國人都感到驕傲。」
採訪：梁錦雯
攝影：何國豪
髮型：HermanLaiofOrient4
化妝：OmixB
地點提供：梨花園
