今天是年三十，胡敏珊、任葆琳和施念慈三位好友日前相約到SwankShop老闆娘康虞茱迪開設的飯店吃團年飯。老闆娘康太吩咐廚師炮製了五道富有賀年特色小菜，三人對以雞為主角的招財菜式「戶口高漲過雞年」讚不絕口，即把「減肥」二字拋諸腦後大擦一頓。
每逢佳節，中國人總離不開食字，所以胡敏珊、任葆琳和施念慈相約到銅鑼灣利園的「虞家媽媽」吃團年飯，三人一試「戶口高漲過雞年」（即芋頭炸雞）便情有獨鍾，胡敏珊吃到讚不絕口說：「呢道菜式好香口，芋頭同雞嘅味道混埋一齊，兩者好配合，入口即溶。菜名又好有意頭，人人都想戶口高漲過雞年㗎啦，中國人一定鍾意。」
除了肥雞之外，大廚亦特別炮製了一道「銀絲利是Pizza」給她們試食，老闆娘康太更是極力推介說：「呢個pizza有意大利同中國嘅特色，以蘿蔔糕材料做toppings，所以好有新年特色，係餐廳招牌菜之一，食咗都唔會肥。」難怪平日不吃pizza的任葆琳當日也吃個不停，任葆琳說：「估唔到蘿蔔糕都可以當pizza咁食，而且重好香脆，一啲都唔肥膩。」施念慈則十分喜歡「心想事成」（即冬菇燜海參），她說：「海參含有豐富嘅膠質，食咗皮膚都會靚啲！」
問到如何度新歲時，胡敏珊會留港，任葆琳會與母親到上海玩，至於離婚回復單身的施念慈則與一班日本朋友到日、韓兩地滑雪兼浸溫泉，問施念慈會否與傳緋聞的日籍男模葉山豪同行時，她說：「會呀，不過重有一班好朋友一齊去日本玩，我啲好姊妹今年送咗一棵桃花畀我，希望我雞年行桃花運，不過桃花劫就免啦。」
採訪：JessicaNgan
攝影：RickyChan
場地提供：虞家媽媽（利園）
