古巨基昨日在旺角舉行簽名會，吸引逾千途人圍觀，大會安排了二十名保安維持秩序，原本簽名會派了一千個籌，但警方為怕引起混亂，所以要求大會只可派發七百個籌。
基仔為配合精選碟的碟名《勁歌金曲》，昨日特別穿上一件金色的唐裝上衣，他笑言：「我會提幾隻字，就係聽過《勁歌金曲》，包你金銀滿屋，哈哈！以我嘅文采，一晚就諗到啦！」基仔又即席揮毫寫揮春，更與一位殘障歌迷簽名及合照。
基仔還現場抽出二十個幸運兒，可得到他的演唱會門票，而黃柏高亦頒發一張金唱片給基仔，祝賀他唱片的銷量已過三萬張，基仔說：「我哋已經叫啲工廠加印，希望過年後可以得白金碟啦，我隻碟都算係新年送禮佳品嚟㗎！」
採訪：胡比 攝影：何國豪
