胡杏兒主演的新劇《西廂情緣》將於下周一情人節播出，不過日前杏兒已預先與「新郎哥」拍攝婚紗照預祝情人節來臨。
杏兒日前與一日籍男模為現代經典拍攝婚紗廣告照，昨日杏兒在電話中表示該廣告拍了兩天，共穿上逾十套婚紗。杏兒說：「嗰日我第一次同個日本男模拍檔，佢講英文，我就用皮毛嘅日文同佢溝通。我學過一年日文，但經呢次之後，我想的起心肝再學番。」
杏兒稱當天與男模一見面便拍攝甜蜜蜜的親熱照，對方比她更為怕醜，她說：「因為大家要拖手、攬腰，我係演員就好啲，我有安慰番佢，叫佢唔好咁緊張，結果我就做咗主動，等佢唔好咁尷尬，但我都感覺到佢手心出汗。」
採訪：朱倬誼