單身嘅「長毛」梁國雄，俾一本周刊爆料，聲稱跟蹤咗佢一百日，話長毛成日夜蒲，甚至泡洋妞、開房過夜，但就好少時間喺辦事處做嘢。
八方噚日致電忙於喺維園年宵叫賣T恤嘅長毛，佢指有關報道係穿鑿附會，佢冇興趣睇。長毛相信相中所謂洋妞，其實係佢住喺酒店嘅外籍友人，長毛上去探佢，就俾人大做文章。至於話佢同洋妞摟抱接吻，長毛話，喺蘭桂坊同人錫一啖，一啲都唔出奇。八方覺得呢篇報道認真抬舉長毛，搵一位記者日日夜夜跟足長毛三個幾月，真係諗唔到有邊位天皇巨星有咁嘅「待遇」。報道又列出長毛蒲吧時間表，但佢星期一至五都有返立法會或辦公室，勤唔勤力，市民自己判斷啦！
（圖）長毛噚日喺維園年宵攤位賣T恤，佢話俾周刊指佢夜夜風流嘅報道係胡說八道。
傳真︰2623-9278
電郵︰