紅火蟻入侵殺到埋身，香港人先識得天下間有隻咁歹毒嘅蟻，其實種種迹象顯示，紅火蟻好可能喺半年、甚至一年前已經入侵香港，同廣東省吳川爆發蟻咬人嘅時間唔差得幾遠。於是乎，內地人開始密謀大反擊，調返轉頭不滿香港將紅火蟻輸入內地。
話說最近喺廣東省召開嘅一次閉門會議上，粵港兩地專家同官員傾得好投契之際，突然有位內地專家義正詞嚴咁講：「你哋香港人成日話啲紅火蟻經內地植物流入香港，其實我哋中國經濟開放得嗰十幾年，你哋香港開放咗成幾十年，日日咁多貨物輸入內地，我話啲紅火蟻係香港輸入內地夠得咯。」
內地專家果然實事求是，呢啲咁重大嘅發現居然都俾佢哋諗通，真係冇白費兩地政府開埋晒啲咁嘅會議。所以八方都好贊同，民主意識呢家嘢可能都係內地輸入香港㗎，如果唔係有六四、如果唔係有趙紫陽，香港人顧住搵銀，又有邊個會明白民主自由嘅可貴呢？
傳真︰2623-9278
電郵︰