何偉途喺深圳坐咗百幾日監，俾人監視教導，換來是滿身牛皮癬，肝病惡化。八方嘅老友見到都怕怕，問佢究竟所犯何罪，落得如斯收場？
好簡單啫，係人都知祖國歡場處處，就算係嫖妓，就算係老嫖客都絕無僅有好似佢咁淒涼，所以千錯萬錯，係佢當年唔知為乜加入咗民主黨，結果搞成咁衰樣，唔好講冇人道，根本連基本人權都冇。
當然有人笑白鴿黨內冇一個醒啲嘅智囊，只係識得同何偉途第一時間劃清界線，向公安收回指摘，都冇諗過何偉途點解同老婆講嘅，跟同記者講嘅唔同？究竟邊個係受害者？重有，如果何偉途學何厚鏵講一句，「邊個男人冇做過對唔住老婆嘅事」，講聲對唔住，咁咪塞晒班人把口囉。呢鋪真係考起白鴿黨智慧！
（圖）何偉途（中）如果識講鏵哥嘅金句，咪乜事都冇囉。
傳真︰2623-9278
電郵︰