「年三十晚大家都想返屋企團年㗎啦，邊個想瞓醫院吖！」七年前患上鼻咽癌，正在康復中的龍小玲深深感受到在醫院過節的悲涼苦況，全因她在明日農曆年三十晚要到醫院進行一項手術，為她那雙被頻繁電療害得失去聽覺的耳朵安裝助聽器。
雖然如此，但一想到安裝助聽器後可以大大改善聽覺，小玲心裏充滿的只有喜悅，沒有抱怨，「我𠵱家嘅心情係好開心，因為好快可以聽到嘢，同大家溝通到。我𠵱家聽嘢真係好差，教兩個囡囡讀書都唔方便。」
四十七歲的小玲坦言，兩名分別十九歲及九歲的女兒是她的心肝寶貝，沒有她們，自己可能根本活不下去，「醫病嗰段時間，我連水都吞唔到，好辛苦。我曾經想過放棄，想唔醫，但係啲社工、醫生個個同我講『你可憐，但如果你死咗，你兩個細路重可憐』，所以我為咗顧住兩個細路，點都要撐住！」
為了爭取與家人共敍天倫的時間，小玲打算明晚完成手術後，不理身體狀況如何，也要跟兩名女兒逛年宵市場，選取些鮮花盆栽，感受熱鬧的節日氣氛。不過，小玲沒有遺忘在醫院度過歲晚的病友，早就為他們製作了許多新年擺設，並準備為他們送上新年祝福，「佢哋真係好需要人關心同鼓勵，而我慰問佢哋時，我都幫到自己，可以忘記痛楚，亦唔會覺得孤獨。」
說到新年希望，小玲由衷地道：「最緊要係身體健康，我希望我嘅身體可以康復得好啲！」
逢周一刊出
本報記者