東莞公安局指何偉途是香港「有關組織」施壓情況下才否認嫖娼，矛頭直指民主黨。有了解事情始末的民主黨核心成員以「啞子吃黃連」形容該黨在此事上的困境，該成員坦言，若何願意承認嫖娼，民主黨一定會道歉，問題是何由始至終否認。民主黨已透過一些渠道向內地反映，「民主黨唔會迫佢唔認，但一樣唔可以迫佢認（嫖娼）」。
何偉途返港後，李永達曾多次向他了解事件。知情人士說，「達仔每次見佢，佢老婆都喺身邊，每次答案都係一樣（否認嫖娼），唔肯詳細講同個女人單獨喺房做乜」。何太亦對民主黨表示不滿，有何的地區友人形容，何太覺得民主黨想犧牲丈夫自保。
有民主黨核心成員形容，除了安排何入院一事由民主黨負責外，其他都是由何太主導。據其了解，不少親北京人士想借今次事件，再挑撥民主黨與中央關係，「佢哋篤民主黨，話我哋反口，應承低調，轉頭又教何偉途否認嫖娼」，但事實是何偉途本人否認嫖娼，太太又力撐他；目前民主黨只能透過中間人向內地反映民主黨的困境，「我哋想講清楚，佢唔認我哋冇得迫佢，希望唔會令我哋同中央關係惡化」。
本報記者