咪以為今年情人節同農曆年相距甚近，就可以側側膊唔多覺，連送花都慳番。心水清就會知道，今年情人節正正係放完年假後第一個返工日，第一日開工就有花收，幾威！唔想年初六都變成赤口日，就要即刻行動！以下精選了花束、花籃和一些另類推介，全部已開始接受預訂，揀啱就要TakeAction。
記者：黃婉冰
攝影：黃子偉、陳偉強、林栢鈞
Model：d8
獨特花束驚喜之選
女朋友屬傳統型，送花束最穩陣，求其整紮紅玫瑰？女友唔嫌悶，自己都怕行貨喇！想穩陣又有驚喜，可以玩吓「花款」，日本麝香、小牡丹、太陽菊……連水仙同桃花都有，傳統中見不平凡！
桃花點綴有新意
桃花代表新年新開始，太陽菊代表相處開心，襯上如煙花般的白飛香，綴以小繡球柳枝做成的心形，別具意義。
售價：$500(a)
中西合璧：另類好意頭
水仙、百合、小牡丹、狗仔花襯以金邊富貴竹及熊仔草，糅合了中、西花款。選用金邊富貴竹及水仙，好意頭又另類。
售價：$700(a)
圓碌碌彩色花球
以八枝白玫瑰圍着五顏六色的小牡丹，外形有如一個彩色花球。紅、黃、橙、粉紅小牡丹在白玫瑰襯托下更突出。
售價：$800(a)
一束花代表三種性格
粉色玫瑰代表溫柔，繡球花代表獨立果斷，日本麝香代表堅強開朗。一束花代表了三種不同的性格及寓意，別具意思。
售價：$880(b)
經濟得體：粉紅百合花束
想她知道你對她是如何的呵護備至，揀粉百合最適合。粉百合代表溫柔、保護，襯以黃孔雀、毌忘我及沙巴葉，一束花已勝過千言萬語。
售價：$398(c)
粉紅玫瑰穩陣之選
想穩陣但又怕送紅玫瑰太「行」貨，送粉紅玫瑰可能較適合。12枝玫瑰再綴以葉上花、滿天星、毌忘我、沙巴葉，代表你對她就如粉紅玫瑰一樣充滿溫柔。
售價：$468(c)
配埋公仔夠Cutie
有感年年都只係送花太單調，將花束連同公仔一齊送，可能較有新鮮感。花束有粉色太陽花及石竹，配搭新鮮外，亦有「幸福的愛」之意。
售價：$398(c)
白玫瑰代表純潔愛情
代表純潔愛情的白玫瑰，襯上寓意不變的愛的桔梗，意味着你對她的愛將永不止息。以花代話，不言而喻。
售價：$680(b)
金莎玫瑰食得睇得
六粒金莎配六枝粉紅玫瑰，襯上滿天星、毋忘我、沙巴葉，食得又睇得。除粉紅玫瑰外，亦可選擇紅玫瑰，金襯紅，相信效果會更突出。
售價：$298(c)
特色花籃凸顯心思
平時已出動鮮花攻勢，想佢有個更難忘嘅情人節，可以落多少少本錢，買個花籃或禮物籃。女朋友屬貪新鮮之人，首推獨特造型的花籃擺設，要求實際的話，禮物籃會更適合，有花收又有公仔朱古力，實掂！
心形薰衣草花籃
用薰衣草、綠色蕙蘭、日本麝香砌成一個大心，試問有邊個女仔見到唔開心。
售價：$1,000(a)
紫牡丹、小牡丹擺設
這款鮮花玻璃擺設，貌似椰菜花的紫牡丹，綴以法國小牡丹、心形文蘭葉，賣相驚喜有Taste！
售價：$1,380(a)
熊仔、蕙蘭鮮花木盆
蕙蘭、橙豆、立梅鮮花，加上得意BearBear熊及朱古力，集情人節三大必備武器於一身。
售價：$650(b)
紅酒食品鮮花木桶
這款有紅酒、又有美食的花籃，鮮花籃內有紅酒、果仁、朱古力、小蕙蘭、桔梗，實際之選。
售價：$850(b)
日本麝香、紅玫瑰擺設
寓意世界只有你和我的兩朵紅玫瑰、雪白日本麝香、有如溫室般的透明花樽，將之串連起來再發揮創意，夠晒特別！
售價：$800(a)
心形黃玫瑰擺設
心形玫瑰花束年年都花榜題名，就知此乃冧女絕招，黃玫瑰代表關懷、溫馨，用12朵砌成一個心形，唔使講出口都Get到喇！
售價：$880(b)
清雅鮮花擺設
兩枝鬱金香寓意「世界只有我和你」，襯以蝴蝶蘭及桔梗及閃閃金色碎紙，效果清雅得來充滿藝術風格。
售價：$530(a)
鬱金香小瓦盆擺設
不想太花巧的話，這款鬱金香小瓦盆擺設，綴以蝴蝶及彩色絲帶，款式精緻。
售價：$580(b)
朱古力、鮮花擺設
除鮮花外，朱古力是另一必備武器。這款朱古力鮮花擺設，古典鐵花架上插滿玫瑰花、金莎花，外形精緻特別。
售價：$580(b)
另類花款創意十足
心知Honey唔會甘心於收紮普通花，可以從另類系列入手。特製乾花、麵粉花、士多啤梨、神奇魔草，擺得、睇得、食得任你揀，唔使大費周章一樣可以令佢過一個難忘情人節。
幫你講「ILoveYou」
今期Hit爆全城的「運芽Ican」，只要幫佢淋水同曬太陽，罐內就會長出寫有「ILoveYou」的荳芽，今年有無興趣做播種情人？
售價：$98(e)
真空鮮花
將鮮花用真空乾冰技術處理，再將之密封在玻璃瓶內，乾花原形、顏色保持得與鮮花一樣，而且可永久擺放。
售價：$330(d)
麵粉風信子
風信子寓意「愛意濃情蜜意」，這盆以麵粉做成，像真度達99%的風信子，送畀女朋友放在寫字枱，等佢日日望住，DayDay都意會得到你的濃情愛意！
售價：$98(d)
有創意：士多啤梨花束
女友正值減肥期，唔送金莎可以改送士多啤梨，一束二十粒，驟眼睇好似紅玫瑰，大方得體，睇完重有得食，一舉兩得。但只限二十束，想買請早！
售價：$468(c)
店舖資料
(a) TiffannyFlowers 25263606 中環卑利街71號地下
(b) Amaze 28956864 北角英皇道651號科匯中心11樓1106室（地鐵沿線，免費送貨）
(c) 生意滔 34223101 旺角洗衣街127號C地舖（2月8日前訂購有8折）
(d) 繽紛園藝 27872203 旺角花墟道1號
(e) JCSHOP 31022783 銅鑼灣時代廣場8樓833號舖