馮華健深得政府器重，大把位等佢上，而佢亦十分勤力，雖然冇再幫房委會打領匯官司，仍好熱心為香港飛嚟飛去，所以傳佢出任資訊廣播超級監管機構阿一，甚至做未來律政司，都係好合理嘅推測。
點解話佢飛嚟飛去？八方聽聞，明天更好基金在年初六會飛去紐約，留兩日之後轉往華盛頓，初十回港，而短短五日行程，活動逾二十個，主要係見商會、大行、學者、政客之類。例如第一日同亞洲協會食早餐，第二日同《福布斯》飲下午茶，第三日約花旗銀行食晏，第四日請駐美大使楊潔篪食晚飯，最後一日回港前，見埋傳統基金會以及Cato，你話幾緊湊。馮大狀就係赴美團其中一員，同埋袁金浩等一齊去宣傳香港，同洋人溝通溝通。
傳真︰2623-9278
電郵︰