西九龍文娛藝術區單一招標爭議重未完，西九個發展建議展覽會就由噚日起移師香港大會堂低座展覽廳舉行，展覽至三月二十八日為止，三個入圍財團都派員駐場介紹，繼續推銷佢哋嘅大計。
喺一片爭議聲中，令到前一階段喺香港科學館舉行嘅西九發展建議展覽會好受歡迎，有成八萬六千幾人參觀。
截至本月三日，政府喺西九發展嘅諮詢，共收到超過一萬三千張意見卡同二百份公眾意見書。設於香港大會堂嘅展覽每日上午十時至晚上八時開放，都係免費入場。
（圖）一班小朋友似懂非懂咁觀看西九文娛藝術區模型。 馮子仲攝
傳真︰2623-9278
電郵︰