「年紀唔細唔揀太紅嘅衫」
曼玉塑造特色掩飾缺點

張曼玉昨日在北京為T恤設計比賽頒獎，提到穿衣之道，曼玉自知年紀不輕，不會挑選太紅的衣服，又謙稱不是時尚代表，只是着重打扮，塑造個人特色，遮掩缺點。　記者JessicaNgan、KelvinChan北京直擊

張曼玉（Maggie）昨日以本地時裝品牌 http://www.izzue.com的形象設計總監身份，到北京東方廣場i.t店為品牌的T恤設計比賽擔任頒獎嘉賓，吸引百多名傳媒採訪。Maggie穿上價值不超過一千五百元的izzue服裝，大談時尚與設計。
Maggie說：「我唔係時尚代表，只係着重打扮，塑造個人特色去掩蓋缺點，着得好睇比流行重要。我已經唔係二十幾歲，年紀唔細，唔會揀太紅嘅衫，黑、灰同埋剪裁好嘅先係最啱我。」

設計新裝九月面世
Maggie透露九月將推出名為「miniizzue」的新系列，並會設計新裝，風格以她的個人品味為主。問她服裝設計與電影，哪一項滿足感較大？她說：「設計可以有自己意見同空間，電影就要信任導演，因為演戲時，自己就好似一個工具咁俾人用。」
繼去年憑電影《錯過又如何》榮膺康城影后後，Maggie再以此片獲得有「法國奧斯卡」之稱的法國凱撒電影頒獎禮「最佳女主角」提名，問Maggie感覺如何？她說：「未諗到，好多時係去到現場先有感受同反應，預早諗太多，個人會亂。」問到有沒有信心？Maggie說：「真係未諗，我心中康城比較重要，又已經攞咗（獎），同一個國家好難拎兩次獎。」

怕新片內地反應差
《錯》片下月將在內地上映，問Maggie可會期待好反應？她說：「我自己比較驚，因為戲中演嘅張曼玉同佢哋平日廣告中漂亮嘅我相反，加上好多內心戲，節奏較慢，恐怕大家會唔習慣，歐、美、亞洲電影口味好唔同，唔接受亦應該。」她又表示未收到通知接拍馮小剛的新片，亦未落實會否出席香港電影金像獎頒獎禮。