陳敏之最近買了一部黑色凌志四驅車，日前她親自洗擦愛車，迎接雞年來臨。
陳敏之說：「我好緊張架車，要好乾淨，咁樣揸出街都醒啲。我平時有時間都會親手洗車，洗完車就會好攰，當係減肥。」陳敏之亦不忘為愛車粉飾一番，買了一個小醒獅頭放在車內作裝飾，增添新年氣氛。
另一方面，與葉文輝（啤梨）甚為老友的戴夢夢，日前專誠幫啤梨洗車，原來啤梨平日大多數將座駕交由洗車公司處理，他說：「洗車公司始終都唔及自己洗咁乾淨，好彩有夢夢幫手，其實我同夢夢都幾好朋友，重係交心嗰隻，我哋乜嘢都傾嘅。」
戴夢夢則笑說：「佢欠我一個人情，就要佢借架車畀我揸吓啦。本來我都想買佢呢款車，但係我怕太大架控制唔到，所以叫佢畀我試吓揸佢架車就最好啦。」
戴夢夢表示由於有工作在身，農曆新年不會出埠，她說：「有嘢做咁我咪可以過一個肥年囉，所以我都好開心。」
採訪：比華利、胡比
攝影：何國豪
