今日是年廿八，又是家家戶戶洗邋遢的日子，官恩娜為了應節，也特別用玫瑰花瓣浸浴，更揚言會買紅色內衣及桃花迎新歲。早前與緋聞男友房祖名劃清界線的官恩娜還笑說：「自從同嗰個人（房祖名）徹底分開之後，都想行吓桃花運！」
官恩娜（Ella）現正身在老沃拍攝無綫劇集《酒店風雲》，所以今日年廿八未能留在家中洗邋遢，不過日前她已提早打掃住所，更特別往美容院享受香噴噴的玫瑰花浴，以迎接新的一年。
Ella外表雖然西化，但其實十分傳統，會依習俗做足迎新歲工夫，日前身在老沃的她透過長途電話說：「我喺年廿九至返到香港，所以之前都要執吓屋、掃吓地、做吓家務，會買紅色內衣褲，重要買棵桃花旺吓，有桃花會好啲。」
去年Ella曾與房祖名傳緋聞，其後對方在公開活動中拒絕與她合照，Ella亦揚言要跟他徹底劃清界線。難道Ella不怕再被緋聞纏身？她笑說：「我想有桃花呀，同嗰個人徹底分開之後，桃花愈多愈好，做呢行應該多桃花嘅，我唔怕煩喎，都想行吓桃花運，桃花劫就話啫。」
Ella雖沒有潔癖，但亦是一個愛清潔的人，由於工作關係，每日都要噴上大量髮膠，故她早晚都要洗頭沖涼。
Ella說：「我真係超級鍾意沖涼，直情係沐浴狂，我屋企有齊各式各類沖涼產品，沐浴油、沐浴鹽、沐浴粉、香薰，乜都有，因為我覺得做完成日嘢，沖涼可以令人好relax，又可以減肥，最好喺個浴室度裝個電視，一路浸浴一路睇戲，希望今年可以買番個放浴室嘅電視啦。」
採訪：朱倬誼
攝影：陳志嵐
場地：SquinaCosmeticsCo.Ltd（銅鑼灣邊寧頓街）
