一九九一年拍攝的《縱橫四海》，重新以數碼修復處理，畫面的雜訊執到似𠵱家啲新戲，一啲都唔似十四年前嘅作品。吳宇森現於荷李活發展得咁好，可睇佢拍《縱》片時，已經用咗荷李活式嘅拍攝手法，一早就為未來鋪路。戲中睇番當年好戲又搞笑嘅周潤發、久違了嘅鍾楚紅、永遠懷念嘅張國榮，還有加插咗我最鍾意聽嘅新版《風繼續吹》MV，另一要留意兩位好戲之人，曾江及朱江，重有Q版唐寧。
《縱》在當年已選以實景拍攝，也榮獲多項提名。故事講述砵仔糕（周潤發）、占（張國榮）及紅豆（鍾楚紅）均是孤兒，在養父（曾江）栽培下成為國際大盜。在一次機緣下，他們三人得悉巴黎博物館一幅被竊的名畫「赫林之女僕」的下落，傳說中有說，偷此畫者必死，但他們沒有理會。一心想完成任務後收山的砵仔糕，在進行任務時葬身火海。數年後，紅豆與占結婚，本以為可過平常日子，砵仔糕卻突然出現。
包裝精美附送名畫
碟內特別收錄曾江專訪，大談演戲心得、對發哥及吳宇森嘅個人見解。另隨碟附送「赫林之女僕」DVDSize仿古名畫（由荷蘭入口），幅畫係送嘅，唔係偷嘅，大家可以放心，但有少少美中不足嘅係，幅畫無得座台又唔可以掛牆，要諗諗計點樣擺起佢先得。
文：盧曹珠