一轉眼，因「六四」社論開天窗嘅《文匯報》前老總金堯如逝世已一周年，佢太太謝瑩同啲仔女金陵同金虹等為咗紀念老金一生為追求人民民主同國家進步嘅奮鬥歷程，重新整理佢九八年出版嘅《金堯如——香江五十年憶往》一書。再版嘅錢係金老太從佢嘅養老金中攞出嚟，收入就撥入金堯如紀念基金，以表揚為「新聞自由」作出貢獻嘅記者。
八方噚日收到本新書翻一翻，發覺有一篇寫住趙紫陽悼念金堯如，先知有一段小故事。話說當日趙紫陽喺北京知道老金喺美國病逝嘅消息，深感惋惜咁講咗一句話，「怎麼去得這麼快。」然後就親自搵番當年老金同老畫家許麟盧二人合畫，特別送畀佢嘅國畫掛起，憑畫哀悼。由此可見趙老人性的一面，非一般老共擁有。
金老死，趙老悼之，趙老一去，中國領導人卻無一敢為他平反，幸好港人將佢嘅巨照高高掛起，都算係一番心意，以慰佢在天之靈！
傳真︰2623-9278
電郵︰