郭富城昨日為一划艇慈善比賽擔任嘉賓，最近有報道指其緋聞女友藤原紀香想借種生仔，問城城會否考慮借種給紀香？他笑言自己是優良品種，不易外借。
郭富城、林子瑄與EO2昨日在銅鑼灣出席「第五屆亞洲室內賽艇錦標賽、香港公開賽暨慈善接力賽」記者會，城城獲頒「亞洲划艇之星」，更即時示範划艇。
城城大讚活動很有意義，他說：「因為佢哋幫人過啲健康嘅生活，我身邊有唔少朋友成日覺得唔開心，搞到生活同精神上都有壓力。」問城城若在低潮時會如何面對？他說：「可能我係一個比較樂觀嘅人，好快就睇得好開，我唔會令到自己好唔開心，只會自我檢討。」
城城又坦言失戀時會不開心，但他說：「好多人失戀淨係諗住唔開心，但我就只係覺得緣份要流去都冇辦法，我好理性㗎！」情人節將至，問城城會否到日本探緋聞女友藤原紀香？他只說：「我未知新年會去邊喎！」最近有報道指紀香想借種生仔，問城城會否借種給紀香？他笑說：「吓！我啲種咁優良，唔可以亂咁借㗎！」
大會送贈一個奧運單人艇模型給城城，稍後城城會擔任「慈善接力盃」的名譽領隊，帶領逾四十隊的慈善接力隊伍參賽，是次活動是為香港精神健康促進會籌募經費，開設「微笑中心」。
採訪：胡比
攝影：陳慧安
