澳門賭業股熱潮冷卻之後,工業股又再抬頭,成為芬佬新目標。
經紀黃今次又有推介,就係富士高實業(927),自從公司去年12月公布中期業績,盤數見得人之後,重新被芬佬留意。
經紀黃話,富士高最大賣點,就係免提耳機產品,據聞佢哋正在爭取名牌手機生產商Nokia的定單,所以愈來愈引起人留意。
但正如好多工業股一樣,富士高成交量始終唔大,好似噚日咁,股價升4.1%,收1.26元,但成交股數只得86.2萬大股,金額108萬銀。不過,只要揸重貨嘅芬佬唔沽,貨疏嘅富士高有望穩步上揚。
此外,連向來炒味較重的聯洲國際(048),近日都獲星洲證券行垂青,話佢相當超值喎。但稍為資深的股民都知道呢系股份唔易玩,但有芬佬睇得起,或者會有唔同表現。聯洲昨日升1.17%,收1.73元,成交金額1974萬元。
慕容小初