古巨基將於下月七日開始在紅館舉行處男個唱，之前首三場及加開的兩場門票都在一日內賣清，反應極之理想，基仔昨日宣布再加開下月十二及十三日最後兩場，總共開七場，其中第六場部份收益撥捐健康快車，幫助內地眼疾人士，而十三日尾場則於下午二時半開騷。
基仔昨日在電話中說：「今次真係已經加無可加，我希望想睇嘅歌迷都可以睇到我嘅第一次，本來公司想開十場，但紅館真係冇期，所以日場都做埋，重問我前一晚做完，第二日又做怕唔怕辛苦，我都唔想歌迷買唔到飛失望，所以點都會做到最好。」
而基仔日前就與四百位歌迷舉行BBQ聚會，他帶齊去年所得獎座與歌迷合照，分享成果及團年，基仔說：「啲歌迷支持咗我咁耐，𠵱家我有少少成績，希望可以同佢哋分享，多謝佢哋。」