《RadiataStories》係由tri-Ace開發製作，之前作品就有《StarOcean》系列同《ValkyrieProfile》，同樣因為戰鬥系統出色，故事精采而大獲好評，所以當SQUAREENIX發表《RadiataStories》由tri-Ace開發時，立即受到唔少玩家注意，未推出前淨係睇官方圖片已經夠班網友過足癮，正式推出時當然更要玩番夠本！
記者：許福合
遊戲類型：RPG
對應機種：PS2
遊玩人數：1人
行貨售價：$488
發行：SQUAREENIX
(c)SQUAREENIXCO.,LTD
講RPG遊戲，SQUARE可以話係大行家，掛個名都份外令人有信心，加埋今次由tri-Ace擔大旗開發，就更令人期待。與近期RPG遊戲不同，《RadiataStories》用上童話卡通風格設計人物到背景，而非一般日式動畫風格，幾位主角造型都相當討人歡喜，最受玩家注意。
歐陸背景
服裝華麗
進行遊戲時，更廣泛利用視覺景深來強調畫面重點，例如當有一前一後兩個人，後面那人說話時，前面一個人就會「失焦」，模仿真人視覺畫面。遊戲背景為人類與精靈、矮人、半獸人等種族共存嘅世界，所以衣着方面都較重中歐味道，尤其幾名主角所穿嘅盔甲，更係靚仔，整體畫面絕對無令人失望。
即時戰鬥系統
雖然故事還是傳統RPG模式，不過講到戰鬥系統，就值得一讚，用上tri-Ace最拿手嘅即時戰鬥系統，不過遊戲一開始時，一場騎士入職考試，筆者費盡九牛二虎之力還是打輸咗，原來係「注定」要輸，之後就有一系列戰鬥技能教學，玩家可以使出包括劍術、武術與魔術等戰鬥的方式，亦有類似必殺技式具強大破壞力招式。戰鬥時雖然只有攻擊以及防禦等兩種動作，但只要掌握好時機使出防禦取消攻擊，就可以立即進行反擊，成功機會較大。除咗由玩家操控主角外，更可對同伴下達戰鬥指令，來組成攻擊或防禦陣營，最正係可以一齊使用聯合攻擊與必殺技，戰鬥系統比一般RPG來得出色。
反映真實時間
《RadiataStories》另一個特別之處，係採用「TimeScheduleSystem」，遊戲內所有人或物都有固定作息時間，日夜街景亦會跟住改變，白天人來人往街道，到晚上就會冷冷清清，即使村外怪物，原來都會依照日夜而休息，而晚上到酒吧就最為熱鬧，收集情報就最佳。另外，查一查資料，發現遊戲中將有300名以上NPC角色與150名以上能成為同伴角色，而且全部可互動說話，內容非常豐富。錢還是此遊戲最重要道具之一，玩家可以透過在公會裏接任務，來賺取經驗值以及金錢。公會分別有「戰士公會」、「僧侶公會」、「魔術師公會」、「盜賊公會」等四種，按不同職業可接下不同類型任務，甚有MMORPG味道。
SONYStylesHK
查詢電話：28931183
